Aspaly kópirdiń vıdeosy semeılikterdiń záresin ushyrdy
SEMEI. KAZINFORM – Semeıde mamandar qaladaǵy aspaly kópirdiń jaı-kúıin tekserdi. Bul týraly ákimdiktiń baspasóz qyzmeti habarlady.
Demalys kúnderi áleýmettik jelide beınejazba paıda boldy. Vıdeodaǵy kadrdan aspaly kópirdegi sańylaýdyń ulǵaıǵanyn kórýge bolady.
Semeı qalalyq ákimdiginiń baspasóz qyzmeti jolaýshylar kóligi jáne avtomobıl joldary bóliminiń aqparatyna silteme jasaı otyryp, 16 aqpanda -29 ℃ aýa temperatýrasynda Ertis ózeni arqyly ótetin aspaly kópirdiń qaýipsizdigine tekserý júrgizilgenin habarlady.
«Temperatýranyń tómendeýi nátıjesinde №1 tirekte shamamen 70 mm jáne deformatsııalyq jotalary arasynda №10 tirekte 60 mm sańylaý anyqtaldy. Kópir tirekteriniń jaǵdaıy qanaǵattanarlyq dep baǵalanady, onyń qulaý qaýpi anyqtalǵan joq. Mamandar kópirdi tómen temperatýrada táýlik boıy baqylaıdy», - dep túsindirdi qalalyq ákimdiktiń baspasóz qyzmetinen.
Sondaı-aq, vedomstvodan jaǵdaıdyń turaqty ekeni habarlandy.
Aıta ketsek, búgin Semeıde aıazǵa baılanysty oqýshylar men kolledj stýdentteri qashyqtan oqytý formatyna aýystyryldy.
