Aspaly arqan joly: Ulanbatyrda jańa qoǵamdyq kólik júıesi boı kóteredi
ASTANA. KAZINFORM — Mońǵolııanyń Ulanbatyr qalasynda jańa kólik júıesi — aspaly arqan jol jobasy júzege asyrylyp jatyr, dep habarlaıdy Montsame.
Aspaly arqan joly 98 jolaýshylar kabınasynan turady jáne eń qarbalas ýaqytta saǵatyna 2320 adamdy tasymaldaýǵa qaýqarly bolady. Qazirgi tańda jobanyń 38%-y oryndalǵan.
Ulanbatyr ákimdiginiń málimetinshe, joba aıasynda 19 tirek baǵana men eki stantsııa salynady. Qazirgi ýaqytta stantsııalardaǵy qurylys jumystary jalǵasýda: irgetasty quıý 75%-ǵa aıaqtalǵan, al 19 tirektiń altaýy tolyq ornatylǵan.
Jalpy qurylys jumystarynyń 18%-y oryndaldy. Qurylys alańynda 15 tehnıka jáne 88 qyzmetker jumys istep jatyr. Bas merdiger — aspaly jol salasynda 100 jyldan astam tájirıbesi bar, álemge áıgili frantsýzdyq POMA toby. Kompanııa tehnıkalyq basqarýǵa, jobany iske asyrýǵa jáne keńes berýge jaýapty.
Qurylys jumystaryn «Monnıs ınjınırıng» kompanııasy júrgizip keledi. Kólikke qajetti materıaldar men jabdyqtar Frantsııadan jetkizilýde. Qazirgi ýaqytta jalpy júkterdiń 69%-yn quraıtyn 103 konteıner ımporttalyp, túsirilgen.
Ulanbatyrdy damytýǵa arnalǵan 24 megajobanyń maqsaty — qoǵamdyq kóliktiń túrlerin kóbeıtip, onyń qoljetimdiligin arttyrý, sonymen qatar joldaǵy keptelisti jáne aýanyń lastanýyn azaıtý.
Budan buryn Mońǵolııanyń Hovd aımaǵynyń bıligi oba aýrýynyń kúdikti jaǵdaılary tirkelýine baılanysty jappaı is-sharalarǵa ýaqytsha shekteý qoıyp, mektepterdi qashyqtan oqytý formatyna kóshirdi.