Á. Smaıylovtyń kabıneti 10 balǵa tatymaıtyn Úkimet boldy – Elnur Beısenbaev

ASTANA. KAZINFORM – Májilistegi «Amanat» partııasy fraktsııasynyń jetekshisi Elnur Beısenbaev Á.Smaılovtyń Úkimet basshysy laýazymyndaǵy qyzmetine baǵa berdi.

«Meniń oıymsha, qazirgi Premer-Mınıstrdiń qarjy salasyndaǵy, osy tikeleı korrýptsııa salasyndaǵy qyzmeti bıýdjetti toltyrýǵa tikeleı kásibı biliktiligi jetedi dep oılaımyn», - degen Elnur Beısembaev jýrnalıst saýalyna oraı eks-Premer Álıhan Smaıylovtyń basty kemshiligin atady.

«Á.Smaıylovtyń tusyna kelsek, ony da biz Amanat partııasy usynǵan bolatyn. Senimdi aqtamady dep aıtýǵa bolmaıdy. Ekonomıkalyq ósim boldy, bıýdjet 24 trln teńgege kóterildi. Smaıylovtyń tusynda biz zańsyz shyǵarylǵan aktıvter, «Ulttyq qor – balalarǵa» sııaqty mańyzdy zańdardy el úshin qabyldadyq. Sol sebepti Á.Smaıylovtyń da jumysyna Memleket basshysy oń baǵa berip otyr. Otstavkaǵa ketýine kelsek, qazirgi Úkimettiń dál osy qarqynmen qoıyp otyrǵan maqsattarǵa jete almaıtynyna Memleket basshysynyń kózi jetip otyr.

Úkimettiń keıbir tustary olqy boldy. 10 baldyq shkalamen baǵa berý maǵan qıyndaý. Árıne, 10 balǵa tatymaıtyn Úkimet boldy», - dedi Elnur Beısenbaev.

Aıta keteıik, búgin Oljas Bektenov Premer-Mınıstr bolyp taǵaıyndaldy.