Aslanbek Jaqypovtyń isi prokýratýraǵa joldandy

NUR-SULTAN. QazAqparat - Ulttyq ekonomıka mınıstrligi Kásipkerlikti damytý departamentiniń basshysy Aslanbek Jaqypovqa qatysty is prokýratýraǵa joldandy.

Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Tergeý departamenti bastyǵynyń orynbasary Baýyrjan Balǵabekov aıtty, dep habarlaıdy QazAqparat tilshisi.

«Bul máselege qatysty atalǵan mınıstrlik (Ulttyq ekonomıka mınıstrligi - red.) departamentteri biriniń basshysyna qatysty jedeldetilgen óndirispen sotqa deıingi tergeýdi aıaqtaǵanymyzdy jáne ony munan ary sotqa jiberý úshin Prokýratýraǵa baǵyttaǵanymyzdy aıta alamyn. Para somasy 500 myń teńge», - dedi ol BAQ ókilderiniń saýalyna oraı.

Aıta keteıik, buǵan deıin birqatar BAQ-ta QR Ulttyq ekonomıka mınıstrligi Kásipkerlikti damytý departamentiniń basshysy Aslanbek Jaqypovtyń iri kólemde para alý kezinde ustalǵanyn habarlaǵan edi.