Aslan Tapıshev BQO Din isteri basqarmasynyń basshysy boldy

ORAL. KAZINFORM – Konkýrstyq komıssııa qorytyndysyna sáıkes, oblys ákiminiń ókimimen Aslan Tapıshev BQO Din isteri basqarmasy basshysy bolyp taǵaıyndaldy.

BQO ákiminiń baspasóz qyzmetinen málim etkenindeı, A.Tapıshev 1985 jyly Oral qalasynda dúnıege kelgen.

Bilimi joǵary. Batys Qazaqstan ınjenerlik-gýmanıtarlyq ýnıversıtetin quqyqtaný mamandyǵy boıynsha támamdaǵan.

Ár jyldary «Jasyl el» jastar eńbek jasaqtarynyń respýblıkalyq shtaby BQO fılıalynyń basshysy, «Batys Qazaqstan oblystyq Azamattyq alıansy» ZTB prezıdenti, BQO ákimdigi qoǵamdyq damý basqarmasynyń jastarmen jumys jónindegi resýrstyq ortalyǵynyń basshysy bolyp qyzmet atqardy.

Qazirgi laýazymǵa deıin Oral qalasy ákiminiń orynbasary boldy.

Oblys ákiminiń orynbasary Qaıyrjan Meńdiǵalıev jańa basshyny ujymǵa tanystyryp, sáttilik tiledi.

Eske sala keteıik, budan buryn Beıimbet Mýsınniń BQO Energetıka jáne turǵyn úı-kommýnaldyq sharýashylyq basqarmasyn basqaratynyn jazǵan edik.