Aslan Smaqov «Semeı» klýbynyń bas bapkeri qyzmetinen ketti

ASTANA. KAZINFORM - Bul sheshim mamannyń óz bastamasymen qabyldanǵan.

Klýbtaǵy qyzmeti barysynda onyń jetekshiligimen «Semeı» eki ret Qazaqstan kýbogynyń jeńimpazy atandy.

Aslan Smaqov 1990 jyly Semeı qalasynda dúnıege kelgen. Fýtzaldaǵy kásibı mansabyn «Qaırat» jáne «SKA-ıÝg» komandalarynda ótkizdi. Almatylyq klýb sapynda ol Qazaqstan kýbogy men halyqaralyq týrnırlerge qatysty.

Aslan Smakov 2021 jyly «Kaspıı» (Aqtaý) fýtzal klýbynda bas bapkerdiń kómekshisi retinde óz mansabyn bastady. 2023 jyly ol jańa qurylǵan «Semeı» fýtzal klýbynyń sport dırektory boldy. 2025 jyldyń qańtarynda bas bapker qyzmetine keldi.

Aıta ketsek, «Semeı» fýtzaldan UEFA Chempıondar lıgasynyń 1/2 fınaldyq kezeńine shyǵa almady. Ol 1/4 fınalda Frantsııanyń «Etýal» komandasyna (2:3, 4:5) jol berdi.

Komandanyń bas bapker mindetin atqarýshysy bolyp buǵan deıin bapkerler shtabynda assıstent retinde jumys istegen Serdjı Altısent taǵaıyndaldy.