Aslan Sárinjipov EUÝ fakýltetiniń jańa korpýsynda boldy

ASTANA. QazAqparat - Qazaqstannyń Bilim jáne ǵylym mınıstri Aslan Sárinjipov Eýrazııa ulttyq ýnıversıtetiniń basshylyǵymen kezdesti.

Sondaı-aq, vedomstvo basshysy JOO-nyń sáýlet-qurylys fakýltetiniń jańa korpýsyn aralap shyqty.

Mınıstrdiń JOO-ǵa ındýstrııalyq-ınnovatsııalyq damý memlekettik baǵdarlamasyn iske asyrý máselelerine baılanysty kelgenin atap ótý kerek, dep habarlaıdy ýnıversıtettiń baspasóz qyzmetinen.

Kezdesýde Eýrazııa ulttyq ýnıversıtetiniń rektory Erlan Sydyqov mınıstrdiń aldynda atalǵan máselege qatysty ýnıversıtettiń ustanymyn aıtyp ótti.

«Ýnıversıtetke akademııalyq erkindikti bergen jaǵdaıda ǵana bizdiń bar múmkindigimiz ashylady», - dep atap ótti ol.

Bul uǵymǵa magıstranttar men doktoranttar kontıngentin kóbeıtý, eki dıplomdyq bilim berýdi damytý, birneshe tilde bilim berýdi damytý, doktorantýradan keıingi baǵdarlamalardy ashý, dıssertatsııalyq keńesterdiń sanyn kóbeıtý, reıtıngtik basylymdarda halyqaralyq jarııalanym belsendiligi dárejesin arttyrý, ǵalymdardyń ınnovatsııalyq eńbekterin engizý jáne kommertsııalandyrý jáne t.b kiredi.