Erbol Rahymbekov Mańǵystaý oblystyq sotyna tóraǵa bolyp taǵaıyndaldy
AQTAÝ. KAZINFORM - Aqtaýda elimizdiń Joǵarǵy Sotynyń tóraǵasy Aslambek Merǵalıev Prezıdenttiń 19 sáýirdegi Jarlyǵymen Mańǵystaý oblystyq sotynyń tóraǵasy laýazymyna taǵaıyndalǵan Erbol Muqajanuly Rahymbekovty tanystyrdy.
Jańa sot tóraǵasyn tanystyrýǵa ujymǵa Joǵarǵy Sottyń tóraǵasy A.Merǵalıev pen Mańǵystaý oblysynyń ákimi N.Noǵaev, memlekettik organ jáne quqyq qorǵaý organdarynyń basshylary, oblystyq, aýdandyq jáne oǵan teńestirilgen sottardyń sýdıalary, ardager sýdıalar, sot qyzmetkerleri qatysty.
Joǵary Sot tóraǵasy Mańǵystaý oblystyq sotynyń tóraǵasy bolyp taǵaıyndalǵan E.Rahymbekovtiń eńbek jolyna toqtalyp, onyń kásibıligi týraly pikir bildirdi. Sondaı-aq, jańa tóraǵanyń sot tóreligin júzege asyrýdaǵy mol tájirıbesi men jemisti eńbegin atap ótti.
Erbol Rahymbekov 1964 jyly Qaraǵandy oblysynda dúnıege kelgen.
1989 jyly Qaraǵandy memlekettik ýnıversıtetin «quqyqtaný» mamandyǵy boıynsha bitirdi.
1989-1990 jyldary – Soltústik Qazaqstan oblysy Jambyl aýdanynyń notarıattyq kontorasynyń notarıýsy;
1990-1991 jyldary – Soltústik Qazaqstan oblysy Jambyl aýdanynyń halyq keńesiniń depýtattary prezıdıýmynyń zańgeri;
1991-1994 jyldary – Soltústik Qazaqstan oblysy Býlaev aýdandyq sotynyń sýdıasy;
1994-1996 jyldary – Qaraǵandy oblysynyń Nura aýdandyq sotynyń sýdıasy;
1996-2000 jyldary – Qaraǵandy oblysynyń Nura aýdandyq sotynyń tóraǵasy;
2000-2001 jyldary – Qaraǵandy qalasy Oktıabr aýdandyq sotynyń Kırov sot ýchaskesiniń aǵa sýdıasy;
2001-2001 jyldary – Qaraǵandy qalasynyń №3 Oktıabr aýdandyq sotynyń sýdıasy;
2001-2002 jyldary – Qaraǵandy qalasynyń №3 Oktıabr aýdandyq sotynyń tóraǵasy;
2002-2008 jyldary – Qaraǵandy oblysy Temirtaý qalalyq sotynyń tóraǵasy;
2008-2010 jyldary – Qaraǵandy qalasynyń Qazybek bı aýdandyq sotynyń tóraǵasy;
2010-2012 jyldary – Soltústik Qazaqstan oblystyq sotynyń apellıatsııalyq sot alqasynyń tóraǵasy;
2012-2014 jyldary – Soltústik Qazaqstan oblystyq sotynyń qylmystyq ister jónindegi apellıatsııalyq sot alqasynyń tóraǵasy;
2014-2016 jyldary – Astana qalasynyń mamandandyrylǵan aýdanaralyq qylmystyq sotynyń tóraǵasy;
2016-2018 jyldary – Qazaqstan Respýblıkasynyń Joǵarǵy Sotynyń sýdıasy;
2018 jyldan búginge deıin Shymkent qalalyq sotynyń tóraǵasy qyzmetin atqardy.
