Áskerılerge qashyqtan baqylaıtyn bilezikter berilýi múmkin

NUR-SULTAN. QazAqparat – Áskerıler arasyndaǵy sýıtsıdpen kúresý úshin QR Qarýly Kúshteriniń jeke quramyna qashyqtan baqylaıtyn bilezikter berilýi múmkin. Bul týraly QR Qorǵanys mınıstriniń orynbasary Darhan Ahmedıev aıtty, dep habarlaıdy QazAqparat tilshisi.

«Biz qazaqstandyq ІT-kompanııalardy tarttyq. Olar áskerı bólimderdi beınekameramen jabdyqtaýǵa kómektesýi kerek. Sondaı-aq jýyqta qazaqstandyq bir kásiporyn bilezik tehnologııasyn usyndy. Ol bilezik arqyly ár jaýyngerdiń tamyr soǵysyn, jaǵdaıyn qadaǵalap otyrýǵa bolady. Otalyq pýnkt arqyly monıtorıng jasap, qaı sarbazdyń qaı jerde júrgenin, jaǵdaıy qalaı ekenin bilip otyrýǵa bolady. Sonymen birge jan-jaqty analız arqyly sýıtsıdke beıim jaýyngerlerdi anyqtaı alatyn ІT-sheshimder bar», - dedi vıtse-mınıstr.

Darhan Ahmedıevtyń aıtýynsha, ІT-tásilderdi qoldanýdaǵy basty maqsat – jaýyngerlerdiń búkil qozǵalysyn ortalyqtan baqylap otyrý.

«Áskerdiń tamyr soǵysy men ornalasqan derin kórsetip turatyn bilezikter bar ekenin aıttym. ıAǵnı, bilezikti aqparat taratýyn toqtatsa, datchıgi qaı tusta óshirilgenin bile alamyz. Komandırler sol tusqa shuǵyl baryp, ne bolyp jatqanyn anyqtaı alady. Sýıtsıdke beıimdilikti tekseretin psıhologııalyq tester bar. Búginde osy sharalar qolǵa alynyp jatyr»,- dedi mınıstrdiń orynbasary.

Sondaı-aq ol keıingi kezde jıilep ketken áskerıler arasyndaǵy ólim-jitimniń sebepterin arnaıy top zerttep jatqanyn eske saldy.

«Ne istelip jatyr degenge kelsek, birinshiden, keshendi jumys toby quryldy. Onyń quramyna bizdiń jáne ózge de vedomstvolardyń qyzmetshileri, azamattyq qoǵam ókilderi kiredi. Jumys toby negizge alatyn baǵdarlama ár jaǵdaıdyń sebebin egjeı-tegjeı qaraıdy. ıAǵnı, birneshe jyldyń tájirıbesi zertteledi. Bir kezderi áskerdegi sýıtsıdke sebepker bolǵan trıgger keıin seıildi me, joq pa, zerdelenedi. Jeke qurammen aı saıyn jumys júrgiziledi. Batalon komandırleriniń tárbıe jónindegi orynbasarlary ózindegi jeke quramǵa nusqaý jumystaryn júrgizedi», - dep tolyqtyrdy ol.

Mınıstrliktiń deregi boıynsha, bıyl Qarýly kúshterde 7 sýıtsıd áreketi tirkelip, tórteýi qaıǵyly aıaqtalǵan.