Áskerılerge ıpotekany 5 paıyzben berýdi josparlap otyrmyz - Lıazzat Ibragımova
ASTANA. QazAqparat - Búginde turǵyn úı jınaq júıesi boıynsha aqshany kem degende, úsh jyl jınaý kerek. Alaıda ıpoteka, ıaǵnı aqshanyń 50 paıyzyn quıyp, aldyn ala zaım da alýǵa bolady. Turǵyn úı qurylys jınaq banki atalǵan ıpotekany áskerılerge 5 paıyzben berýdi josparlap otyr , dep xabarlaıdy QazAqparat tilshisi.
«Qazaqstannyń Turǵyn úı qurylys jınaq banki» AQ basqarma tóraıymy Lıazzat Ibragımovanyń aıtýynsha, kelesi jyldan bastap shamamen 67 myń áskerı otbasy jınaq júıesine qatysatyn bolady. Olardyń ishinde Qorǵanys mınıstrligi, Ulttyq qaýipsizdik qyzmeti, Shekara qyzmet, Ulttyq ulan men Memlekettik kúzet qyzmetiniń áskerıleri bar.
«Búgin-erteń biz Qarjy mınıstrliginde birneshe otyrys ótkizetin bolamyz. Ázirshe, áskerıler úshin aldyn ala zaımnyń 5 paıyzdyq mólsherlemesin belgilep otyrmyz. Kelesi jyly bizde 120 mlrd teńgedeı bıýdjetimiz bolady. Bul degenimiz, shamamen 8 myń áskerı otbasy 2018-2019 jyldary ishinde aldyn ala zaımǵa tapsyrys bere alady. Qalǵany aqshany jınaı beredi. Árıne, zań boıynsha áskerı azamat kez kelgen bankten ıpoteka ala alady. Alaıda biz memlekettik bank, áleýmettik bank retinde áskerı azamattarǵa tıimdi sharttardy usynýymyz qajet», - dedi L.Ibragımova búgin Astanada ótken baspasóz máslıxatynda.
Bank basshysynyń sózine qaraǵanda, qazirgi kezde áskerı azamattarǵa arnalǵan sharttar daıarlanyp jatyr. Jaqyn arada Turǵyn úı qurylys jınaq banki ony keńinen tanystyratyn bolady.
