Áskerılerge arnalǵan trenıng: Ulttyq ulan JI quraldaryn meńgere bastady
ASTANA. KAZINFORM — Ulttyq ulan qyzmetkerleri Ulttyq jasandy ıntellekt platformasymen jumys isteýdi meńgerý úshin arnaıy oqytýdy bastady. Oqytý JI-tehnologııalardy qyzmettik protsesterge engizýdi jedeldetýge baǵyttalǵan. Bul týraly qýatty qurylymnyń baspasóz qyzmeti málim etti.
Sabaqty «UAT» AQ jasandy ıntellekt departamentiniń menedjeri Laýra Ajbaǵambetova ótkizdi. Trenıng barysynda ol memlekettik tsıfrlyq transformatsııa baǵdarlamasy sheńberinde qurylǵan UJIP-nyń fýnktsıonaldyq múmkindikterin usyndy jáne Ulttyq ulan bólimsheleriniń qyzmetine JI-sheshimderdi engizý perspektıvalary týraly aıtyp berdi.
Oqytý baǵdarlamasy platformanyń negizgi modýlderi: jumys protsesine arnalǵan JI aýdarmashysy, jınalystardy avtomatty túrde jazý júıesi, ChatGPT analogy Gemma modelimen jumys jáne ishki protsesterdi avtomattandyrýǵa arnalǵan jeke JI agentterin qurý quraldaryn kórsetýdi qamtydy.
Barlyq jumystar men demonstratsııalar aqparattyq qaýipsizdiktiń joǵary deńgeıin qamtamasyz etetin jáne ınternetti buǵattaıtyn ETS-tiń qorǵalǵan jabyq tizbeginde oryndaldy.
Bolashaqta bul zamanaýı JI-tehnologııalaryn qoldanýdyń tıimdiligin arttyrýǵa, qyzmettik aqparatty óńdeýdi jedeldetýge, basqarý sheshimderiniń sapasyn jaqsartýǵa jáne áskerı bólimshelerdegi jumys protsesterin ońtaılandyrýǵa múmkindik beredi.
Buǵan deıin Ulttyq ulanda alǵash ret «aǵa sarbazdar» ınstıtýty engizildi.