Áskerılerdiń zeınet jasyn naqtylap, quqyqtaryn jetildiretin zań qabyldandy
ASTANA. KAZINFORM — Májilistiń jalpy otyrysynda áskerı qyzmetshilerdiń quqyqtaryn jetildirýge arnalǵan zańdy qabyldady.
Qujatty áriptesterine depýtat Oljas Quspekov tanystyrdy. Onyń sózinshe, zań jobasy áskerı qyzmetshilerdiń áleýmettik jáne quqyqtyq qorǵalýyn kúsheıtýge, qyzmettiń bedelin arttyrýǵa jáne qorǵanys júıesin qazirgi zaman talaptaryna beıimdeýge baǵyttalǵan.
Qujatta joǵary áskerı laýazymdarǵa kandıdattardyń tsıfrlyq reıtıngisin jasaýdy da kózdeıdi.
Sondaı-aq, qujatta tótenshe jaǵdaılardy joıýǵa, terrorızmge qarsy operatsııalarǵa jáne tótenshe jaǵdaı rejımin qamtamasyz etýge tartylatyn Qarýly Kúshter men Shekara qyzmetiniń áskerı qyzmetshilerine úsh eselengen aqshalaı úles tóleý kózdelgen. Al 25 jyldan astam eńbek sińirgen áskerı qyzmetshilerge óz qalaýy boıynsha qyzmetten bosaý múmkindigi berilmek.
— Biz BUU-nyń áskerı personal usynǵany úshin memleketke tóleıtin qarajaty áskerı qyzmetshilerge tólem júrgizý úshin tikeleı Qorǵanys mınıstrliginiń shotyna túsýge tıis degen usynys engizdik.
Qazir bul qarajat respýblıkalyq bıýdjetke túsedi. Sondyqtan BUU bitimgerlik mıssııalar úshin aýdarǵan qarajattyń Qorǵanys mınıstrligine túsýi jáne keıin áskerı qyzmetshilerge baǵyttalýy uzaq ýaqyt alady. Bul tólemderdi ýaqtyly júrgizýge múmkindik bermeıdi, — dedi Oljas Quspekov.
Buǵan deıin qazaqstandyq bitimgerlerdiń úshinshi quramy Golan jotasyna attanǵanyn habarlaǵan edik.
