Áskerılerdiń ómirine qaýip tónbes úshin tıisti sharalar qabyldanady
ASTANA. KAZINFORM — Áskerı qyzmetshilerdiń ómiri men densaýlyǵyn qamtamasyz etetin sharalar qabyldanady. Bul týraly Úkimet otyrysynda Memleket basshysynyń Joldaýyn iske asyrý jónindegi jalpyulttyq is-sharalar josparynyń jobasyn tanystyrǵan Premer-Mınıstrdiń orynbasary — Ulttyq ekonomıka mınıstri Nurlan Baıbazarov aıtty.
«Quqyq qorǵaý júıesinde „Quqyq buzýshylyqtyń profılaktıkasy týraly“ zań jobasyn ázirleý josparlanǵan. Jol qaýipsizdigi jol-kólik ınfraqurylymyn jaqsartý, zııatkerlik júıelerdi engizý jáne avtomobılderdiń tehnıkalyq jaı-kúıin tıisinshe baqylaý jolymen kúsheıtiledi. Qorǵanys salasynda Qarýly kúshterde zańdylyqty, quqyqtyq jáne áskerı tártipti saqtaýdy qamtamasyz etý jónindegi is-shara josparlanǵan, bul áskerı qyzmetshilerdiń ómiri men densaýlyǵynyń qaýipsizdigin basym túrde qamtamasyz etýge tıis», — dedi Nurlan Baıbazarov.
Onyń atap ótýinshe, memlekettik organdar, óńirler Jalpyulttyq jospardyń ár baǵytynyń ýaqtyly jáne sapaly oryndalýyn qamtamasyz etedi.
