Áskerıler jalpyqalalyq senbilikke bir kisideı qatysty
Bul týraly QR Qorǵanys mınıstrliginiń baspasóz qyzmetinen habarlaıdy.
Olardyń kúshimen qalalyq ákimshilik bekitip bergen halyqaralyq áýejaı aýdanyndaǵy terrıtorııa tazartylyp abattandyryldy. Ofıtserler men kelisimshart boıynsha áskerı qyzmetshiler belgilengen aýmaqpen qosa Qorǵanys mınıstrligi ǵımaratyna jaqyn mańdaǵy ýchastokterde jumys istep qala kórkiniń arta túsýine qomaqty úles qosty.
Jalpyqalalyq senbilikke áskerı qyzmetshilerdiń bir kisideı qatysýyna uıytqy bolǵan Qazaqstan Respýblıkasy Qarýly Kúshteri Bas shtab bastyǵynyń orynbasary - Tárbıe jáne ıdeologııalyq jumystar departamentiniń bastyǵy polkovnık Muhamedjan Talasov belgilengen aýmaqta jumys kórigin qyzdyryp júrgen áskerılerdiń arasynda bolyp, atqarylǵan jumystardyń jaı-kúıin joǵary baǵalady.
"Qorǵanys mınıstrligine qalalyq ákimshilik bekitip bergen halyqaralyq áýejaı aýdanyndaǵy aýmaqty senbilik ótkizilgen saıyn áskerı qyzmetshilerimiz kelip tazartyp júr. Ofıtserlerimiz ben qyzmetshilerimizdiń búgingi senbilikke bir kisideı qatysýynyń ózi kóńilge qýanysh uıalatady. Sebebi olar Astananyń kórkeıýi elimizdiń kórkeıýi ekendigin jaqsy túsinedi", - dedi QR QK Bas shtab bastyǵynyń orynbasary.
Áskerı qyzmetshiler senbilik kezinde naǵyz áskerılershe qımyl tanytyp, berilgen tapsyrmany der kezinde jyldam ári sapaly oryndady.