Áskerıler Túrkistan qalasynda zalalsyzdandyrý jumysyn bastady

TÚRKІSTAN. QazAqparat - Túrkistan qalasynda arnaıy kıim jáne tıisti qural-jabdyqpen qamtylǵan 40 áskerı qyzmetker zalalsyzdandyrý jumysyn bastady, dep habarlaıdy QazAqparat Túrkistan oblysynyń Óńirlik kommýnıkatsııalar qyzmetine silteme jasap.

Túrkistan qalasyna áskerıler kirgizildi. QR Joǵarǵy Bas qolbasshy Qasym-Jomart Toqaevtyń tapsyrmasymen jəne QR Qorǵanys mınıstriniń ókimimen tótenshe jaǵdaıǵa baılanysty Túrkistan qalasyndaǵy 7 blok bekettiń tərtibin kúsheıtý jəne qala aýmaǵyn zalalsyzdandyrý jumysyna kómek berý maqsatynda №35748 əskerı bóliminen 200-den astam əskerı qyzmetker men birneshe əskerı tehnıka jumyldyryldy.

Búginnen bastap qala aýmaǵyndaǵy blok beketterdegi tótenshe jaǵdaıǵa baılanysty saqtyq sharalary men tynyshtyqty kúzetýge áskerı qyzmetkerler de atsalysady. Odan bólek, qala kósheleri men qoǵamdyq oryndarda jáne aýlalarda vırýsqa qarsy zalalsyzdandyrý jumysyna da qatysady.
Alǵashqy kúnniń ózinde arnaıy kıim úlgisimen jáne tıisti qural-jabdyqpen qamtylǵan 40 áskerı qyzmetker zalalsyzdandyrý jumysyn bastady.
Túrkistan oblystyq Qorǵanys isteri jónindegi departament bastyǵynyń orynbasary Jandos Kúlderbaev azamattardy oryn alyp jatqan jaǵdaılarǵa túsinistikpen qarap, dúrlikpeýge shaqyrdy. Mundaı qatań rejiimdegi tártip tótenshe jaǵdaı aıaqtalǵanǵa deıin jalǵasatyn bolady.