Áskerıler taktıkalyq oqý-jattyǵý barysynda daǵdylaryn jetildirdi

NUR-SULTAN. QazAqparat - Qurlyq áskerleriniń quramalary men áskerı bólimderinde jaýyngerlik oq atý men rotalyq-taktıkalyq toptardyń oqý-jattyǵýy ótip jatyr, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Atalmysh shara rotalyq-taktıkalyq toptardyń úılesimdiliginiń sońǵy kezeńinde ótýde. Oqý-jattyǵýdyń negizgi maqsaty - rotalardyń jaýyngerlik ázirligin, olardyń úılesimdiligin tekserý, áskerı qyzmetshilerdiń fýnktsıonaldyq mindetterin oryndaýyna baǵa berý, praktıkalyq mashyqty shyńdaý.

«Oqý-jattyǵý kezinde bólimsheler arnaıy jaýyngerlik is-qımyldardy júrgizip, ózara áreket etý máselelerin pysyqtaıdy. Onda durys taktıkalyq is-qımyldarǵa, urysta qarýdy sheber ári tıimdi paıdalaný men bólimshelerdiń atysyn basqarýǵa, sondaı-aq qaýipsizdik sharalarynyń qatań saqtalýyna aıryqsha nazar aýdarylady» delingen habarlamada.

Taktıkalyq oqý-jattyǵý barysynda ártúrli qashyqtyqtarda nysanalardy joıý, qol granatalaryn laqtyrý, áýe nysanalary boıynsha atysty júrgizý jáne túngi kózdeýishterdi paıdalana otyryp, atysty júrgizý qarastyrylady.