Áskerıler saılaýǵa belsendi qatysýda
ASTANA. 15 qańtar. QazAqparat /Qanat Mámetqazyuly/ - Qazaqstandyq Qarýly Kúshterdiń áskerı qyzmetshileri Májilis saılaýynda belsendilik tanytýda.
Bul týraly QR Qorǵanys mınıstrliginiń baspasóz qyzmetinen habarlandy.
«Qarýly Kúshterdiń daýys berýleri belsendi jáne barlyq erejeler saqtala otyryp júzege asty. Saılaýdyń uıymdastyrýshylyq-tehnıkalyq sharalary vedomstvonyń jáne áskerı bólimder men túrlerdiń, áskerı oqý mekemeleriniń ortalyq apratattaryndaǵy arnaıy toppen júzege asty», - delingen baspasóz qyzmeti taratqan aqparatta. Málimetterge qaraǵanda, atalmysh salada alǵashqylardyń biri bolyp merzimdik áskerı qyzmettegiler men kýrsanttar saılaý ýchaskelerine baryp, daýys bergen.
«Áskerıler saılaýda 100 paıyz qatysýymen jáne daýystardy sanaýdyń shapshańdyǵymen erekshelenedi. Astanadaǵy áskerı bólimderdegi desant-jaýyngerler de ózderiniń belsendiligin tanytty. Saılaý ýchaskesine erte kelgen 68665 áskerı bólim qyzmetkerleri ózderiniń tańdaýyn 10 saǵat 30 mınýtta-aq jasap bitti. Bundaı jaǵdaı Qarýly Kúshterdiń barlyq mekemeleri men áskerı bólimder janyndaǵy basqa da 27 saılaý ýchaskelerinde kórinis tapty», - delingen baspasóz aıǵaǵynda.
