Áskerıler saılaýda asa belsendilik tanytty - ol olardyń Otan aldyndaǵy paryzy - QR QM
ASTANA. 4 sáýir. QazAqparat - Áskerı bólimderde merzimdi qyzmettiń sarbazdary alǵashqylardyń qatarynda daýys berdi.
Jalpy, áskerıler bul saılaýǵa 100 paıyzdyq kórsetkishpen qatysýymen jáne daýystardy sanaýdaǵy jyldamdyqtarymen erekshelendi, dep habarlady QR QM baspasóz qyzmeti.
Elordadaǵy 68665 áskerı bóliminiń desantshy jaýyngerleri saǵat 8:15-te óz tańdaýlaryn tolyqtaı jasap úlgerdi. Astanalyq bólimniń 400-den astam áskerı qyzmetshisi belsendilikterimen erekshelenip, № 114 saılaý ýchaskesine bir saǵat buryn keldi.
- Búgin elimiz úshin tarıhı kún, - deıdi merzimdi qyzmettiń qatardaǵy jaýyngeri Aleksandr Krıvorotov. - Osy saılaý arqyly biz Otanymyzdyń bolashaǵyna beı-jaı qaraı almaıtynymyzdy bildirdik.
Aleksandrdyń áriptesi qatardaǵy jaýynger Qaırat Ábish te óziniń Qarýly Kúshter qatarynda júrip, Qazaqstannyń bolashaǵy úshin daýys berý múmkindigine ıe bolǵanyn maqtanysh etetinin jetkizdi.
Bul kúni 68665 áskerı bóliminde 8 sarbazdyń týǵan kúni boldy. Bólim basshylyǵy týǵan kún ıelerin eskerýsiz qaldyrǵan joq. Olarǵa arnap syılyqtar tartý etti. Sonymen qatar, alǵashqylardyń biri bolyp daýys bergen áskerı qyzmetshiler de syılyqtar aldy.
Bólim komandıriniń tárbıe jáne áleýmettik-quqyqtyq jumystary jónindegi orynbasary - ýchaskelik saılaý komıssııasynyń tóraǵasy maıor Radjan Janysov áskerılerdiń osy saılaýda aıryqsha belsendilik tanytyp, Otan aldyndaǵy boryshtaryna adaldyqtaryn dáleldegenin jetkizdi.
Qarýly Kúshter boıynsha 28 saılaý ýchaskesinde daýys berý júzege asty.
