Áskerıler koronavırýsqa qarsy ekpe alý qajettiligin qoldaıdy - Nurlan Ermekbaev

NUR-SULTAN. QazAqparat – QR Qarýly kúshterinde vaktsınalaý júrgizý úshin jeke quramnyń basym sanattary aıqyndalyp, ony alý kezektiligi josparlandy. Qorǵanys mınıstri Nurlan Ermekbaev osylaı málim etti, dep habarlaıdy QazAqparat.

«QR Qarýly kúshterinde naýryz aıynda COVID-19-ǵa qarsy ekpe jumystary bastalady. Ekpe júrgizýde jeke quramnyń basym sanattary aıqyndalyp, ony alý kezektiligi josparlandy. Áskerı qyzmetshilerdiń pikirleri aldyn-ala zerdelendi. Barlyǵy koronavırýsqa qarsy ekpeniń qajettiligin qoldaıdy», dep jazdy mınıstr Twitter -degi paraqshasynda.

Eske sala ketsek, buǵan deıin áskerı qyzmetkerlerdi koronavırýsqa qarsy vaktsınalaý naýryzda bastalatyny habarlanǵan.