Áskerıler Bangkok ortalyǵyn qorshaýǵa aldy
ASTANA. QazAqparat - Bangkoktyń ortalyq kóshelerine polıtseıler men áskerı qyzmetkerler myńdap tartylýda. Bul - áskerı tóńkeriske qarsy jurt ereýiliniń aldyn alý maqsatynda jasalyp otyrǵan shara, dep habarlady 24.kz.
Eldiń kúsh qurylymdary shahardyń ortalyǵyn qorshaýǵa aldy. Vokzaldar men saýda ortalyqtary jabylǵan. 2 kún buryn ǵana áskerı tóńkeristiń jetekshisi general Praıýt Chan-Ocha barlyq saıası taraptardy yntymaqtastyqqa shaqyrǵan bolatyn. Onyń aıtýynsha, bitimge kelýdiń birden bir joly - bul ereýilderge shek qoıý.
Esterińizde bolsa, 22 mamyrda bıliktiń áskerılerdiń qolyna ótkeni jarııa etildi. Biraq osy málimdemeniń erteńinen-aq Bangkok pen eldiń ózge de qalalarynda áskerı tóńkeriske qarsy ereýilder bastalyp ketken edi.
