Áskerıler aı boıy parashıýtpen sekirý jattyǵýlaryn jasaıdy - Qorǵanys mınıstrligi
ASTANA. 8 aqpan. QazAqparat - Bıylǵy jyl Qazaqstan armııasynyń qurylǵanyna 20 jyl tolmaq. Osyǵan baılanysty Qazaqstan Respýblıkasy Qarýly Kúshteri Aeroutqyr áskerleriniń quramalary men áskerı bólimderinde jaýyngerlik daıarlyq jospary boıynsha jattyǵýlar aıasynda desantshylar mereıtoı qurmetine parashıýtpen sekiredi.
QR Qorǵanys mınıstrliginiń málimetinshe, áskerı qyzmetshiler búkil aqpan aıy boıy bir mezgilde Taldyqorǵan jáne Qapshaǵaıda parashıýtpen sekirý jattyǵýlaryn jasaıdy.
Kúzgi shaqyrýdyń merzimdik qyzmet áskerı qyzmetshileri de aspanda sekirýge tunǵysh ret qatysady. Olar tájirıbeli
desantshylarmen birge sekiredi. Kún saıyn shamamen 160 adam bıikte samǵaıdy. Bul jas áskerı qyzmetshiler úshin qatań synaq bolmaq.
800 metrlik bıiktikte sheksiz aspanǵa adym attaý - óte baıypty qadam. Parashıýtpen sekirýge jerde tek barlyq elementterdi jaqsy baǵaǵa tapsyrǵandarǵa ǵana ruqsat etiledi.
