Áskerıler arnaıy trenajerlyq keshenderdi meńgerýde
Atqysh-zenıtshiler, granataatqyshtar men urys mashınalarynyń júrgizýshileri týra oqý synyptarynda is júzinde ózderiniń kásipteriniń erekshelikterin ıgerýde, dep habarlaıdy Qorǵanys mınıstrliginiń baspasóz qyzmeti .
Onyń ishinde, áskerı bólimde jeke quramdy daıarlaý úshin shynaıy kózben sholý jáne dybystyq áseri bar «Igla» jáne «Strela» úlgisindegi zenıttik-zymyran kesheniniń oq atýyn elestetetin trenajerlyq keshen bar.
Atalmysh trenajer zenıttik-zymyran keshenin jaýyngerlik qalypqa keltirý, avtomatty qolmen ustaý rejiminde oq atýǵa, nysanaǵa kózdeý, qarmaý, shyǵarý jáne t.b. boıynsha tapsyrmalardy oryndaı alady. Shaǵyn artıllerııalyq synyp mejelerdiń, sonyń ishinde, qozǵalmaly nysanalardyń elestetilýin júzege asyrýǵa múmkindik beredi.
Qarsylas pen óz áskerleriniń jaǵdaıy men taktıkalyq is-qımyldaryn, atys bólimsheleriniń elestetilýin, kúndiz jáne túnde oq atý tapsyrmalarynyń oryndalýyn, zeńbirekten bastap birneshe artıllerııalyq toptarǵa deıin atys quraldaryn tarta otyryp, oq atýdyń kez kelgen tapsyrmalaryn kórsetedi. Sonymen qatar, áskerı bólimde áskerı qyzmetshilerdi jaıaý ásker men tankterdiń urys mashınalaryn júrgizýge, sondaı-aq, atys qarýynan oq atýǵa oqytyp-úıretý úshin trenajerlyq keshender bar. Onyń ishinde, atys daıarlyǵyna arnalǵan «Profı» trenajery. Bul trenajer polıgon men shynaıy jaýyngerlik jaǵdaılardyń jaı ǵana jaqsy kompıýterlik elestetilýi emes, ol jattyǵýdy oryndaý kezinde áskerı qyzmetshiler jibergen kemshilikter men qatelikterdi, oq-dárilerdiń jumsalýy men ózge de kórsetkishterdi taldaýǵa qabiletti.
Mundaı trenajerlyq keshender Qazaqstannyń barlyq áskerı bólimderinde bar ekenin aıta ketken jón. Osyndaı trenajerlardyń arqasynda polıgondarǵa shyqpaı-aq ártúrli mamandyqtar boıynsha áskerı qyzmetshilerdi daıarlaýǵa múmkindik týyp otyr. Oqytý barysynda áskerı qyzmetshiler qajetti teorııalyq bilim alady. Sodan keıin alǵan bilimderin trenajerlarda qoldanýdy úırenedi. Al odan soń shynaıy urysqa jaqyndatylǵan dalalyq jaǵdaıda daǵdylaryn bekitedi. Osy maqsatta áskerı bólimderde kúndizgi jáne túngi ýaqytta jaýyngerlik oq atýlar ótkiziledi.
