Áskerılendirilgen kross boıynsha Qazaqstan chempıonatynda myqtylar anyqtaldy

ASTANA. 21 tamyz. QazAqparat - Şýchınskide Áskerı ortalyq sport klýbynda Áskerı-sporttyq klýbtar Federatsııasy Qazaqstan Respýblıkasynyń sport jáne dene shynyqtyrý isteri jónindegi Agenttigimen birge jas áskerıler birlestikteri Respýblıkalyq shtabynyń qoldaýymen Qazaqstan Respýblıkasynyń áskerılendirilgen kross boıynsha birinshiligin ótkizdi.

«Jeke synaqta birinshi, ekinshi jáne úshinshi oryndar Áskerı ortalyq sport klýbynyń sportshylarynyń enshisine tıdi. Altyn medaldi Igor Berejnyı jeńip alsa, kúmisti - Aleksandr Dedov, al qola medaldi Vıacheslav Moıseevets óz qorjyndaryna saldy» delingen QR Qorǵanys mınıstrligi baspasóz qyzmetiniń habarlamasynda.

Birinshilik qorytyndysy boıynsha Alǵys hattarmen jáne «Jeńiske jigeri úshin» dıplomdarymen Aqmola oblysynyń jáne Tótenshe jaǵdaılar mınıstrliginiń resmı ókilderi jáne sportshylary arnaıy atap ótildi.

Sporttyń áskerı-qosalqy túrlerinen memlekettik jattyqtyrýshy Mádenıet Jaqypov atap ótkendeı, elimizdiń 20 jyldyq sport tarıhynda Qazaqstan Respýblıkasynyń áskerılendirilgen kross boıynsha birinshiligi tuńǵysh ret uıymdastyryldy. Atalǵan joba «Qazaqstan ınjınırıng» Ulttyq kompanııasy» jáne «Qazaqjarylysóndiris» aktsıonerlik qoǵamdarynyń demeýshilik qoldaýlarymen júzege asyryldy. Jarys nátıjeleri sportshylar daıyndyǵynyń joǵary deńgeıin tanytty, al eń myqtylary sporttyq ataqtar men razrıadtaryna usynyldy.