Áskerılendirilgen kásibı apattyq-qutqarý qyzmeti memleket menshigine qaıtaryla ma

ASTANA. QazAqparat – Áskerılendirilgen kásibı apattyq-qutqarý qyzmetin jekeshelendirý barysynda zańbuzýshylyq bolǵan joq. Bul jaıynda Premer-Mınıstr Álıhan Smaıylovtyń Senat depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«2018 jyly Úkimettiń 2015 jylǵy 30 jeltoqsandaǵy №1141 qaýlysymen bekitilgen jekeshelendirýdiń keshendi josparyna sáıkes, «Kásibı áskerılendirilgen apattyq-qutqarý qyzmeti» sharýashylyq júrgizý quqyǵyndaǵy respýblıkalyq memlekettik kásiporny jekeshelendirildi. Jekeshelendirý protsedýrasy «Memlekettik múlik týraly» zańnyń normalaryna jáneÚkimet qaýlysymen bekitilgen jekeshelendirý nysandaryn satý erejesine saı júrgizildi. 2022 jyly ókiletti organdar áskerılendirilgen kásibı apattyq-qutqarý qyzmetin jekeshelendirý barysynda jemqorlyq belgileriniń bolmaǵany týraly quqyqtyq baǵa berdi», - dep atap ótedi Álıhan Smaıylov.

Onyń atap ótýinshe, Kásibı áskerılendirilgen apattyq-qutqarý qyzmeti búginde «Azamattyq qorǵanys» zańymen ózine júktelgen qyzmetti tolyq kólemde atqaryp otyr.

Munan bólek, atalǵan qyzmet jekeshelendirilgen sátten beri jumys oryndarynyń sany 1,5 ese artty. Jeke ınvestıtsııa kólemi - 3,5 mlrd teńge.

«Azamattyq qorǵanys týraly» zańnyń 51-babyna sáıkes, jeke apattyq-qutqarý qyzmetiniń azamattyq qorǵanys salasyndaǵy ókiletti organnyń suranysymen tótenshe jaǵdaıd joıýǵa qatysýy mindetti sanalady. ıAǵnı, tótenshe jaǵdaıǵa áreket etý saqtalǵan. Al jańa qyzmettiń qurylýymen nyǵaıa tústi. Osyǵan oraı áskerılendirilgen kásibı apattyq-qutqarý qyzmetin memleket menshigine qaıtarý búkil jeke qyzmetterdiń joıylýyna, olardyń jumysshylary men otbasy músheleriniń arasynda áleýmettik shıelenistiń artýyna alyp keledi», - dedi Úkimet basshysy.