Áskerı joǵary oqý oryndary men kolledjderge qujat qabyldaý 31 shildege deıin jalǵasady
ASTANA. KAZINFORM — Qazaqstanda Qorǵanys mınıstrligine qarasty áskerı joǵary oqý oryndary men áskerı kolledjderge talapkerlerdi qabyldaý jalǵasyp jatyr. Qujattar 15-31 shilde aralyǵynda qabyldanady.
Bul týraly OKQ-de ótken baspasóz májilisinde QR Qorǵanys mınıstrligi Áskerı bilim jáne ǵylym departamentiniń bastyǵy, polkovnık Murat Oljabaev aıtty.
– Bıyl áskerı ınstıtýttarǵa 723, al áskerı kolledjderge 760 oryn bólindi. Oqýǵa qabyldaý konkýrstyq negizde júrgiziledi. Talapkerler kásibı-psıhologııalyq irikteýden, medıtsınalyq tekserýden jáne dene daıyndyǵy boıynsha synaqtan ótedi. Áskerı ınstıtýttarǵa túsý úshin Ulttyq biryńǵaı testileýden (UBT) keminde 50 ball jınaý qajet, - dedi spıker.
Onyń sózinshe, oqý kezeńinde kýrsanttar men kadetter memleket esebinen tolyq qamtamasyz etiledi. Olar tegin bilim alyp, jatyn orynmen, tamaqpen, kıim-keshekpen, medıtsınalyq qyzmetpen jáne aqshalaı úlespen qamtylady.
Oqýdy támamdaǵan túlekter Qazaqstan Respýblıkasy Qarýly kúshterinde áskerı laýazymǵa taǵaıyndalady.
Buǵan deıin áskerı IT-mamandar daıarlaıtyn ınstıtýtqa qujat qabyldaý bastalǵanyn, qujat qabyldaý 31 shildege deıin jalǵasatynyn jazdyq.
