Áskerı jıynǵa tartylatyn azamattardyń mártebesi qandaı bolady
ASTANA. KAZINFORM – Qorǵanys mınıstrligi Kazinform saýalyna joldaǵan jaýabynda bıyl jaýyngerlik oqý-jattyǵýǵa tartylatyn 3 myń adamnyń Qarýly Kúshter qataryndaǵy mártebesi qandaı bolatynyn aıtty.
«Jaýyngerlik qyzmet jáne áskerılerdiń mártebesi týraly» 2012 jylǵy 16 aqpandaǵy pańnyń 5-babynyń 1-tarmaǵy boıynsha, jaýyngerlik oqý-jattyǵýǵa tartylǵan azamattardyń áskerı qyzmetshi mártebesi bolady. Sáıkesinshe ol tulǵalarǵa áskerı qyzmetshilerge qoıylatyn talaptyń bári qoıylady» delingen jaýapta.
Vedomstvo bul jıynǵa áskerı boryshy bar, densaýlyǵy áskerı qyzmetke jaramdy adamdar ǵana tartylatynyn, olardyń bári aldyn ala medıtsınalyq tekserýden ótetinin aıtyp otyr.
Buǵan deıin Qorǵanys mınıstrligi 2024 jyly áskerı oqý-jattyǵýǵa shaqyrylatyn 3 myń azamattyń qaı bólimshelerge jiberiletinin túsindirgen bolatyn.
«Jattyǵý 2024 jyldyń jazynda 30 kún boıy motoatqyshtar, tanki, artıllerııalyq bólimshelerde, sondaı-aq jaýyngerlik ári tehnıkalyq qamtamasyz etý bólimshelerinde ótedi» dedi mınıstrlik Kazinform agenttiginiń saýalyna bergen jaýabynda.
