Áskerı ushqyshtar synnan súrinbeı ótti - QR Qorǵanys mınıstrligi

ASTANA. 12 naýryz. QazAqparat - Áýe qorǵanysy kúshterine qarasty Áskerı-áýe kúshteriniń armııalyq avıatsııasynyń áskerı ushqyshtary ushý quramynyń jıyny barysynda óz synyptyq biliktilikterin dáleldedi. Bul týraly QR Qorǵanys mınıstrliginiń baspasóz qyzmetinen habarlandy.

Olar eki aı boıy 53975 áskerı bóliminiń bazasynda biliktilik dárejelerin dáleldeý úshin synaqtar men emtıhandar tapsyrdy. Oqý-jattyǵý ushýlary kúndiz túni jáne kúrdeli metereologııalyq jaǵdaıda júzege asyryldy. Jıynǵa barlyq avıatsııalyq bazalarynan, sondaı-aq Aqtóbedegi Áýe qorǵanysy kúshteri áskerı ınstıtýtynan ókilder qatysty.

Mı-17, Mı-8, Mı-24, Mı-26, Hıýı-2 sııaqty tikushaqtarmen ushqan ushý quramy aspanda ártúrli jattyǵýlar oryndap tájirıbeleriniń shyńdalǵanyn tanytty. Óz sheberlikteri men ushý tájirıbelerin kópshilikke qórsetý arqyly synyptyq biliktilikterin dáleldeý úshin ushqyshtardyń barlyǵy derlik aspandaǵy jáne jerdegi synaqtardan súrinbeı ótti. Olar ushý arasyndaǵy úzilis kezinde teorııa, atys, saptyq jáne dene daıarlyǵynan emtıhandar tapsyrdy.