Áskerı ushqyshtar otandyq tikushaqtarda biliktiligin synap kórdi (FOTO)
«Bul tikushaq izdestirý-qutqarý, basshylyq quramdy tasymaldaý, sondaı-aq desanttyq-kóliktik tasymaldaý jumystaryn oryndaıdy. Ushýdyń eń joǵary bıiktigi 5 myń metr», - dedi ES-145 ekıpajynyń komandıri leıtenant Dmıtrıı ıAkýnev.
Qorǵanys mınıstrliginiń baspasóz qyzmetiniń habarlaýynsha, áskerı ushqyshtar álemdegi eń zamanaýı tikushaqtardyń biri ES-145 tikushaǵynda ushqan. ES-145 elimizdiń «Eýrokopter Qazaqstan ınjınırıng» zaýytynda qurastyrylǵan. Bul zaýyttyń ónimi «KADEX-2016» halyqaralyq kórmesinde usynylatyn bolady. Tikushaq barlyq zamanaýı standarttarǵa saı keledi. Shýyl deńgeıi tómen, jyldamdyǵy joǵary sıpatqa ıe.
«Oqý-jattyqtyrý ushýlary jaýyngerlik daıarlyq josparyna sáıkes júrgiziledi. Bul - bir aptada kúndizgi jáne túngi 3-4 aýysymdyq ushý. Áskerılerdiń áýe bolýynyń ortasha ýaqyty 5 saǵat shamasynda. Jaýyngerlik tapsyrmalardy arttyrý boıynsha ushý ýaqyty 8 saǵatqa jetýi múmkin», - dedi avıatsııalyq eskadrılıa avıatsııalyq býynynyń aǵa ushqyshy (19132 áskerı bólimi armııalyq avıatsııanyń), kapıtan Alekseı Alıaev.
Áskerı avıatsııa ushqyshtarynyń jumysy adamnyń eńbek qyzmetiniń anaǵurlym kúrdeli túrleriniń birine jatqyzylady. Tikushaqtarymyz kez kelgen meteojaǵdaılarda, táýliktiń kúndizgi jáne túngi ýaqytynda ushýǵa arnalǵan. 
