Áskerı ushqyshtar aýa raıynyń kúrdeli jaǵdaıynda jattyǵýda

ASTANA. QazAqparat - QR Qorǵanys mınıstrligi Áýe qorǵanysy kúshteriniń áskerı bólimderiniń birinde qıyn meteorologııalyq jaǵdaılarda oqý-jattyǵý ushýlary ótkizilýde, dep habarlaıdy QazAqparat.

Mınıstrliktiń baspasóz qyzmetinen málim etkendeı, ushýlar jaýyngerlik daıarlyq josparyna sáıkes ótkizilýde.

Ushqyshtar jattyǵýlardy qolaısyz meteojaǵdaılarda kúndiz jáne túnde kóretin qurylǵylardy qoldana otyryp jasaýda. Bul, maıdandyq avıatsııanyń ushý quramynyń jaýyngerlik daıarlyǵy boıynsha mańyzdy elemetterdiń biri bolyp tabylady.

Ushý quramynyń teorııalyq suraqtardy tereń zerdeleý, ushaq kabınasynda jáne jattyǵý apparatýrasynda jattyǵýlardy sapaly ótkizý, prıborlar boıynsha ushýlardy ádistemelik turǵydan durys oqytý, sondaı-aq shynaıy kúrdeli meteorologııalyq jaǵdaılarda jaýyngerlik ushaqtaǵy júıle jattyǵýlar bolǵan kezde ǵana osy tapsyrmany sátti oryndaý múmkin bolady. Avıabazanyń nusqaýshy ushqyshtary aýa raıynyń qıyn jaǵdaıynda ózderiniń sheberlikterin únemi shyńdap otyrady. Sondaı-aq jas quramdy kúrdeli meteojaǵdaılarda jaýyngerlik is-qımyldardy oryndaýǵa úıretedi.