Áskerı ushqyshtar alǵash ret túnde júkti ilip tasymaldap úırendi (FOTO)
Atalmysh ushýlardyń basty maqsaty - «KADEX» qarý-jaraq pen áskerı-tehnıkalyq kórmesin ótkizýge ekıpajdardy daıyndaý. Túngi mezgilde áýe kóligine ilingen júkpen ushý túnde «BEMBI» sý aǵyzatyn qurylǵysymen órt sóndirýshi ushý quramyn daıyndaýǵa jattyǵýdyń basy.
Kúndizgimen salystyrǵanda túngi jaǵdaıdaǵy ushýlardyń birqatar erekshelikteri bar. Olardyń ishinde jer betiniń kórinbeýi, baǵdarlardyń nashar kóriný, jasandy jaryqtan baǵdarlardyń shyn beınesine sáıkes kelmeýi, jaryq beretin baǵdarlarǵa deıin (adam kózi qurylysynyń fızıologııalyq erekshelikterine baılanysty) qashyqtyqty kózben mólsherleýde sáıkessizdiktiń aıda bolýy, ushýdyń navıgatsııalyq elementterin aıqyndaý dáldiginiń tómendeýi jáne kókjıek syzyǵyn anyqtaýdyń tómendeýi.
Syrtqy ilmekte júkpen ushý kezinde elektr berilis toraptary, aǵashtar jáne t.b. sııaqty jasandy kedergilerdi eskerý qajet. Ótkizilgen oqý-jattyqtyrý ushýlary barysynda birqatar ushqysh baǵa jetpes tájirıbe jınaqtap, túnde syrtqy ilmekte júkpen ushýǵa ruqsat aldy.
Atap aıtsaq, olar - ushqysh-ınspektor polkovnık Dastan Beısenbınov, qaýipsizdik bóliminiń aǵa ınspektory podpolkovnık Erkin Nákishev, armııalyq avıatsııanyń avıatsııalyq eskadrılıa komandıri podpolkovnık Ardaq Nuǵymanov.
Ushý quramynan basqa mundaı ushýlardy qamtamasyz etýde eskadrılıanyń ınjenerlik-avıatsııalyq qyzmeti, áýeaılaqtyq-tehnıkalyq qamtamasyz etý, parashıýttik-desanttyq qyzmettiń jeke quramy mol tájirıbe jınaqtady.
