Áskerı ushaqtyń Indonezııada qonaqúıiniń ústine qulaýy saldarynan kem degende 30 adam qaza tapty
ASTANA. QazAqparat - Sýmatra aralynyń soltústigindegi Medan qalasynda AQSh-ta jasalǵan Indonezııanyń Hercules C-130 áskerı-kólik ushaǵynyń qonaqúıi men turǵyn alaptaryna qulaýy saldarynan kem degende 30 adam qaza tapqan.
«Sońǵy málimetter boıynsha, 30 adam mert boldy... Qaza tapqandardyń sany ósýi múmkin», - dep habarlady Indonezııanyń qutqarý qyzmetiniń ókili Hısara Týrnıpa.
Indonezııanyń Medan áskerı bazasynan ushyp shyqqan áýe kemesi Natýna aralyna baǵyt alǵan, dep naqtylady ásker ókili Faýd Basıa.
Jergilikti BAQ-tyń habarlaýynsha, áýe apaty Indonezııanyń kólemi boıynsha úshinshi qalasy Medan aýmaǵynda oryn alǵan. Qonaqúıiniń qyzmetkerleri ushaqtyń qonaqúıdiń ústinde jarylǵanyn aıtyp otyr. S-130 synyqtary eki turǵyn úıge qulap, elektr tasymaldaý jelilerin búldirdi. Kýágerler apat ornynyń ústinde býdaqtaǵan tútin kóterilgenin aıtty.
Sputnik agenttiginiń habarlaýynsha, ushaqtyń ishinde ekıpajdyń 12 múshesi, sondaı-aq sany naqtylanbaǵan jolaýshylar bolǵan. Qolda bar málimetter boıynsha, áýe kemesiniń ushqyshtary ondaǵy problemany anyqtaǵan soń, bazaǵa oralmaq bolǵan. Ushaqty keri burǵan soń, ol bazadan shamamen bes shaqyrym jerde apatqa ushyrady, dep jazady RIA Novostı.
