Áskerı túrde daıarlanǵan rezerv quramyndaǵylar aqyly negizde ázirlenedi - QR Qorǵanys mınıstrligi
Daıyndyq «Áskerı-tehnıkalyq mektep» Respýblıkalyq memlekettik qazynalyq kásiporyndary fılıaldarynyń bazasynda ótkiziledi.
Atalǵan daıyndyq túri dástúrli merzimdi qyzmetke ózindik balama bolmaq. Azamattardy oqýǵa irikteýdi jergilikti áskerı basqarý organdary júzege asyrady. Eki kezeń boıynsha oqytý belgilendi: naýryz-maýsym, qyrkúıek-jeltoqsan aılary.
2013 jyly aqyly negizde 3000 azamatty oqytý josparlanǵan. Bir aı oqyǵan merzim ishinde azamattar teorııalyq bilimderin tájirıbe júzinde ushtastyrady. Ol úshin Qarýly Kúshter áskerı bólimderiniń polıgondary men tırlerinde jattyǵýdan ótip, qarý-jaraq, áskerı tehnıka jáne áskerı qyzmetshilerdiń kúndelikti tynys-tirshiligimen tanysatyn bolady.
Oqý qorytyndysy boıynsha oqýshyǵa emtıhan tapsyrǵannan keıin, sanat beriledi, ant qabyldanady. Aqyly negizde áskerı-oqytylǵan rezervti támamdaǵany jónindegi sertıfıkaty boıynsha áskerı bılet alyp, áskerı mindettiler retinde esepke qoıylady.
Azamattardyń oqyǵandary úshin tólegen qarjylary olardyń tolyq áskerı kıim jıyntyǵyn alýyna, tamaqtanýlaryn uıymdastyrýǵa jumsalady. Oqý aıaqtalǵan soń dalalyq kıim-keshek pen basqa da buıymdar men múlikter túlekterdiń ózderine saqtaýǵa beriledi.
Áskerı úıretilgen rezervti tólep oqytý-úıretý baǵdarlamasy boıynsha 210 myń teńge qarjy belgilengen.
Áskerı isti úırenip, Otan qorǵaýǵa ázir bolýdy qalaıtyn áskerge shaqyrylýshylar az emes, olar sonymen birge atys qarýynan atýdy oqyp úırenýge, ony qoldanýdy meńgerýge de múddeli. Fılıaldarda oqyp jatqan quramnyń negizi orta-arnaýly jáne joǵary bilimi barlar. Mektepte áskerge shaqyrylýshylar bolashaq mergen, pýlemetshi, granatametshi mamandyǵy boıynsha tanysý kýrsynan ótedi.
Aıta keteıik, «Azamattardy áskerı qyzmetke ázirleý, uıymdastyrý jáne ótkizý, sondaı-aq alǵashqy áskerı daıyndyqtyń oqý-materıaldyq bazasyn qalyptastyrý týraly ereje» QR Úkimetiniń 2013 jylǵy 11 aqpanda № 118 qaýlysymen bekitilgen.