Áskerı teńizshiler Kaspıı teńizi akvatorııasynda izdestirý-qutqarý jumystaryn pysyqtady

NUR-SULTAN. QazAqparat - Kaspıı teńiziniń qazaqstandyq sektorynda izdestirý-qutqarý is-qımyldary boıynsha taktıkalyq-arnaıy oqý-jattyǵýlar ótti, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Oqý-jattyǵýdyń jospary boıynsha teńizdegi kemeniń dızel-generator bóliginen órt shyqty. Jalynnyń kesirinen keme toqtan tolyqtaı ajyratylyp, negizgi qozǵaltqyshtar isten shyǵyp qaldy. Azamattyq kemeniń órt sóndirý toby da tilsiz jaýdy aýyzdyqtaı almaıdy.

Kemeniń ornalasqan jeri, onymen baılanystyń bolmaýyn izdestirý úshin Áskerı-teńiz kúshteri men Áýe qorǵanysy kúshteri avıatsııasynyń, Mańǵystaý oblysy boıynsha Ulttyq qaýipsizdik komıteti Shekara qyzmetiniń departamentiniń, Tótenshe jaǵdaılar mınıstrligi bólimsheleriniń korablderi men katerleriniń birlesken is-qımyldary uıymdastyryldy.

Birlesken is-qımyldardyń nátıjesinde apatqa ushyraǵan kemeniń baǵyty belgilenip, órt dert kezinde aýyzdyqtaldy. Al keme jaqyn mańdaǵy portqa súıretip jetkizildi.

– Іzdestirý-qutqarý jumystaryn júrgizý kezinde birlesken is-qımyldardy uıymdastyrý jónindegi oqý-jattyǵýlardyń negizgi maqsatyna qol jetkizildi. Mundaı oqý-jattyǵýlardy ótkizý praktıkasy jalǵasa beredi, – dep atap ótti Áskerı-teńiz bazasy komandıriniń jaýyngerlik daıarlyq jónindegi orynbasary 2-dárejeli kapıtan Baýyrjan Muratuly.