Áskerı-teńiz kúshterinde oqý-jattyǵý ótip jatyr
ASTANA. QazAqparat - Qystyń qaharly sýyǵynda sý astyndaǵy daǵdylardy jetildirý maqsatynda Áskerı-teńiz kúshterinde jeńil súńgýir daıyndyǵy boıynsha josparly jattyǵýlar ótip jatyr, dep habarlaıdy QazAqparat QR Qorǵanys mınıstrligine silteme jasap.
Jattyǵý arnaýly qurǵaq gıdrokostıýmdermen júrgizilýde. Bul súńgýirlerdiń qystyń aıazdy kúninde sýyq sý astynda jumys isteý daǵdysyn damytýǵa septigin tıgizedi. Súńgýirler Kaspııdiń túbine súńgigen sátte sýdaǵy temperatýra +3 gradýs boldy. Al ashyq teńizde sýǵa súńgıtin jaıly temperatýra +18 gradýsty quraıdy.
Aıta keteıik, QR Áskerı-teńiz kúshterinde jeńil súńgýir daıyndyǵyna erekshe mán beriledi. Óıtkeni daıyndyqtyń dál osy túri - eń qıyn ári qaýipti jattyǵýlardyń biri.
