Áskerı-teńiz kúshteri óz rezervısterin daıyndaýda - BEINE
Bul týraly QR Qorǵanys mınıstrliginiń baspasóz qyzmetinen habarlady.
Rezervısterdi daıarlaý avtomobıl mamany, atqysh jáne basqa da jumyldyrý rezervin tolyqtyrýǵa qajetti mamandyqtar boıynsha júrýde. Jıynǵa 27-30 jas aralyǵyndaǵy buryn dáleldi sebeptermen áskerı boryshyn ótemegen 50 adam tartyldy. Olardyń kópshiligi býhgalterden bastap mektep muǵalimi tárizdi san túrli qyzmet salalarynyń mamandary bolyp tabylady.
Bir aı ishinde jas jigitter áskerı tehnıka men qarý-jaraqtyń materıaldyq bóligin, olardy urysta qoldaný tásilderin zerdeleıdi, dene daıarlyǵymen shuǵyldanady jáne barlyq ótken pánder boıynsha synaqtar tapsyrady.
- Jalpy jumyldyrý rezervi úshin áskerı mindetterdi daıarlaý jónindegi jıyn tabysty ótti. Áskerı mamandyq alǵan tórt áskerı mindetti qazirdiń ózinde kelisimshart boıynsha osynda qyzmetti jalǵastyrýǵa tilek bildirdi, - deıdi kishi mamandardy daıarlaý jónindegi oqý-jattyǵý ortalyǵynyń bastyǵy polkovnık Danııar Galeev.
Bul joly oqý-jattyǵý ortalyǵynda Atyraý oblysynan kelgen áskerı mindettiler daıarlyqtan ótti. Jıynnyń aıaqtalýy boıynsha olar sertıfıkattar alyp, qatardaǵy jaýynger jáne serjanttar quramynyń áskerı ataqtary berildi. Budan buryn osy ortalyqta Mańǵystaý oblysynyń áskerı mindettileri daıarlyqtan ótse, tamyz aıynyń alǵashqy kúnderinen Batys Qazaqstan oblysynyń jigitteri jattyǵýǵa kirispek.