Áskerı-tehnıkalyq mekteptiń 250-ge jýyq kýrsanty júrgizýshi kýáligin aldy
ASTANA. KAZINFORM – 2026 jyldyń birinshi kezeńindegi «Qazaqstan Respýblıkasy Qorǵanys mınıstrliginiń Áskerı-tehnıkalyq mektebi» RMQK fılıaldarynda mamandar daıarlaýdyń nátıjeleri osyndaı.
Attestattaý qorytyndysy boıynsha oqytýdan keıin mamandandyrylǵan halyqqa qyzmet kórsetý ortalyqtarynda 248 adam «V», «S» jáne «S1» kishi sanattaǵy júrgizýshi kýálikterin aldy. Bul oqytylǵandardyń jalpy sanynyń 95% quraıdy.
Áskerı-tehnıkalyq mektepter oqytýshylarynyń úılesimdi jáne ádistemelik jumysymen qatar «Azamattarǵa arnalǵan úkimet» KEAQ» memlekettik korporatsııasy qyzmetkerleriniń qosqan úlesin erekshe atap ótken jón.
Korporatsııa qyzmetkerleri tarapynan ýaqtyly jáne kásibı qoldaýdyń arqasynda bolashaq Otan qorǵaýshylardyń júrgizýshi kýálikterin alý úshin emtıhan tapsyrý rásimderiniń ózara tıimdi is-áreketi men joǵary deńgeıde uıymdastyrylýyn qamtamasyz etýge múmkindik týdy.
Memlekettik korporatsııa ókilderimen kezdesýde Áskerı-tehnıkalyq mektep basshylyǵy Qarýly kúshterge mamandar daıarlaý isine qosqan zor úlesi men ózara tyǵyz is-qımyly úshin erekshe rızashylyǵyn bildirdi.
2026 jyldyń birinshi kezeńinde áskerı-tehnıkalyq mamandardy daıarlaý nátıjeleri boıynsha Áskerı-tehnıkalyq mektepterdiń 13 fılıaly arasynda reıtıngte Taldyqorǵan fılıaly kósh bastady. Ekinshi orynda – Óskemen, úshinshi orynda – Qaraǵandy fılıaly aldy.
