Áskerı tehnıka qatary tolyqty - QR Qorǵanys mınıstrligi
Gvardııa bóliminiń komandıri podpolkovnık Mereke Kýchekbaevtyń basshylyǵymen 70-ke jýyq áskerı qyzmetshiler 40 shaqyrymdyq jol júrip turaqty meken jaılaryna kelip jetti. Tehnıkany qabyldaý men áskerı bólimge jetkizý sharalaryna Qazaqstan Respýblıkasy Qurlyq áskerleriniń ókili - QR QK qarý-jaraq basqarmasy bas shtabynyń bastyǵy polkovnık Asylbek Satybaldınov qatysty.
Áskerı qalashyqqa sý jańa 30 jańa bronetransporter kolonnasy kelgen sátti, jaýyngerlerdiń áriptesteri men otbasylary qarsy aldy.
BTR- 82 BTR- 80 brondy transporterdiń jetildirilgen túri. Keshendi jumystardyń júrgizilýi nátıjesinde tehnıkanyń 20 % jetildirilip, ekıpaj, sonymen qatar, quraldar men júıeler qaýipsizdigi jańartyldy. Jarqyshaq qorǵanysynyń ornatylýy, áskerı kólik ishinde ekıpajdyń qolaıly ári qaýipsiz jumys etýine áser etedi. Bronetransporterdiń atys qýaty, jyldamdyǵy arttyryldy. Bul kóliktiń jolsyz jermen júrý qabiletin joǵarylatty.
Kelesi jylǵy qańtardyń 10-yna taman, jaýynger kóliktermen teńiz jaıaý áskerleri dalalyq jattyǵýlar uıymdastyrmaq. Aýa-raıynyń qolaısyzdyǵy, qalyn qar, sýyq boran Qazaqstan armııasynyń sarbazdaryn shyńdaı túspek.
Qaı ýaqytta bolmasyn áskerı daıyndyqty arttyrý - áskerı qyzmetshilerdiń alǵan bilimin jetildire túsedi. Jaýyngerlik ázirlik jónindegi barlyq tapsyrmalardy oryndaý jáne ony nyǵaıta túsý maqsatynda Qazaqstan Respýblıkasy Qarýly Kúshteri jańa áskerı tehnıkamen, qarý-jaraqpen qamtamasyz etile bermek.