Áskerı sporttyń týy joǵary - QR Qorǵanys mınıstrligi
ASTANA. 5 sáýir. QazAqparat - Qorǵanys mınıstrligi Armııashylardyń ortalyq sport klýbynyń Býrabaıdaǵy oqý-jattyǵý ortalyǵy bazasynda bıatlonnan Qazaqstan Respýblıkasy chempıonatynyń 2-shi kezeńi aıaqtaldy,
dep habarlady QR Qorǵanys mınıstrliginiń baspasóz qyzmeti.
Jarysqa Qazaqstannyń ártúrli óńirinen 7 komanda qatysyp, baqtaryn synady. Olardyń qatarynda Aqmola, Almaty, Qaraǵandy, Pavlodar, Shyǵys Qazaqstan (Semeı, Rıdder) jáne Soltústik Qazaqstan oblystarynyń komandalary bar. Dodaǵa qatysqan 72 sportshynyń 13-i Qazaqstan Respýblıkasy qurama komandasynyń quramyna kiretin áskerı sportshylardan turady.
«Jarys joǵary uıymdastyrýshylyq jaǵdaıda jáne sporttyq-tehnıkalyq deńgeıde ótkizildi.Oǵan qatysýshylar ózderiniń sporttyq sheberlikterin tolyq kórsete bildi. Jeńiske degen umtylystarymen tánti etti", - dep atap ótti baspasóz qyzmeti.
