Áskerı sot órtke qarsy qyzmet komıtetiniń tóraǵasy men eki departament basshysyna úkim shyǵardy

Aqmola garnızony Áskerı sotynyń úkimimen QR Tótenshe jaǵdaılar mınıstrligi Órtke qarsy qyzmet komıtetiniń tóraǵasy N. Derbısov pen Shymkent qalasy Tótenshe jaǵdaılar departamentiniń bastyǵy M. Jaqsybaev 5 jylǵa, Jetisý oblysy Tótenshe jaǵdaılar departamentiniń bastyǵy B. Іzbasarov 9 jylǵa bas bostandyǵynan aıyryldy.

Antıkordyń dereginshe, olar bıznes ókilinen kásipkerlik qyzmetine qamqorlyq jasaǵany úshin jalpy somasy 39,7 mln teńge somasynda para alǵan.

«Sondaı-aq, B. Іzbasarov 1,7 mln teńge somasynda ózine qosymsha aqshany zańsyz eseptep, bılikti asyra paıdalanǵany úshin sottaldy.

Atalǵan adamdar memlekettik qyzmette jáne kvazımemlekettik sektor sýbektilerinde laýazymdardy atqarý quqyǵynan aıyryldy», — dep jazdy vedomstvodan.

Sot úkimi zańdy kúshine engen joq.

Aıta keteıik, buǵan deıin jeke sot oryndaýshysy 1,2 mln teńge alımentti qaltasyna basqanyn jazǵanbyz.