Áskerı sherýge baılanysty Almaty men Astana baǵytyndaǵy ushaq reısteriniń kestesi ózgeredi
ALMATY. KAZINFORM – Almaty halyqaralyq áýejaıy Astana qalasy aýmaǵynda áýe keńistigin paıdalaný boıynsha engiziletin ýaqytsha shekteýlerge baılanysty saparlar kestesinde ózgerister bolatynyn málimdedi.
Qazaqstan Respýblıkasy Qorǵanys mınıstrliginiń resmı aqparatyna sáıkes, 2025 jylǵy 22 sáýir men 7 mamyr aralyǵynda saǵat 10:00-den 13:00-ge deıin áskerı sherýge daıyndyq jáne ony ótkizý maqsatynda Astana qalasynyń áýe keńistigi ýaqytsha jabylady. Osyǵan baılanysty Almatydan Astanaǵa jáne keri baǵyttaǵy saparlar kestesinde ýaqytsha ózgerister bolady.
– Jolaýshylardan atalǵan shekteýlerdi óz saparlaryn josparlaý barysynda eskerýdi suraımyz. Reısteri ózgergen jolaýshylarǵa áýekompanııalar brondaý kezinde kórsetilgen baılanys derekteri arqyly qosymsha habarlaıdy, - dep atap ótti áýejaıdyń baspasóz qyzmeti.
Saparlar týraly ózekti aqparatty áýe kompanııalar men áýejaıdyń anyqtama qyzmetinen aldyn ala naqtylaýǵa bolady.
Baılanys nómirleri:
Almaty halyqaralyq áýejaıynyń anyqtama qyzmeti:+7 (727) 270 33 33,+7 (727) 270 48 49
Air Astana:+7 (727) 244 44 77,WhatsApp: +7 702 702 00 74
FlyArystan: +7 (727) 331 10 10,WhatsApp: +7 702 702 02 27
SCAT Airlines: +7 (7252) 99 88 80
Qazaq Air:+7 (727) 356 14 14
Eske salaıyq, buǵan deıin Astana qalasynyń áýe keńistigi ýaqytsha jabylatyny týraly jazǵan edik.