Áskerı sherýdiń Konstıtýtsııa mereıtoıyna qarsy uıymdastyrylýy - halyqtyń oǵan degen syı-qurmetiniń belgisi - I. Rogov
«Búgingi áskerı sherýge degen tańdanysym sheksiz. Bul bizdiń elimizdiń Qarýly Kúshteriniń qaırattylyǵyn, pármendiligin kórsetedi. Osyndaı sherýlerdiń ótkizilýi sózsiz qajet, óıtkeni bul halyq júreginde otansúıgishtik sezimderin oıatady. Áskerı sherýdiń Bas Zańymyz - Konstıtýtsııamyzdyń mereıtoıyna qarsy uıymdastyrylýy - halyqtyń oǵan degen syı-qurmetiniń belgisi, Elbasy áspetteýiniń belgisi», dedi I. Rogov.
Búgin QR Konstıtýtsııasyna 15 jyl tolyp otyr. Soǵan baılanysty el boıynsha merekelik sharalar uıymdastyrylýda. Al eń basty shara - áskerı sherý elordanyń Táýelsizdik alańynda ótti. Onda Qorǵanys mınıstrliginiń Qurlyqtaǵy áskerleri, Áýe qorǵanysy kúshteri jáne Áskerı-Teńiz kúshteri, sondaı-aq Іshki ister mınıstrliginiń, Ulttyq qaýipsizdik komıtetiniń, Tótenshe jaǵdaılar mınıstrliginiń jáne Respýblıkalyq Ulannyń jasaqtary sap túzep júrip ótti.
Áskerı sherýge 150-dan astam áskerı tehnıka tartylǵan. Barlyǵy derlik tól áskerimizdiń shtatty birligine qabyldanǵan tehnıkanyń úlgileri. Sherýdi elimizdiń Áýe qorǵanysy kúshteriniń ıeligindegi áskerı avıatsııa ot shashyp, elorda aspanyna óz qoltańbalaryn qoıdy. Jalpy sharaǵa 66 ushý apparaty qatystyryldy.