Áskerı saladaǵy baılanys keshenderiniń jaǵdaıy qandaı

NUR-SULTAN. QazAqparat – Baılanys departamentiniń baǵyt aǵa ofıtseri, polkovnık Nurlan Qalmanov Qarýly otandyq óndiristerde zamanaýı áskerı baılanys quraldaryn shyǵarylyp jatqanyn aıtty, dep habarlaıdy QazAqparat tilshisi.

«Qazir baılanys sapaly bolýy úshin únemi damý jaǵdaıyna mán berip otyrý kerek. Aqparat taratý júıesi qarqyndy damyp kele jatqanyn eskersek, áskerı baılanystyń da zamanaýı talaptarǵa saı bolǵany abzal. Sol sebepbi QR Qorǵanys mınıstrliginiń basshylyǵy áskerı baılanystyń jabdyqtalýy men damýyna asa mán berip otyr. Sondyqtan baılanystyń sapasy men qaýipsizdigine joǵary talaptar qoıylǵan», - dedi N. Qalmanov onlaın brıfıngi barysynda.

Onyń aıtýynsha, Qarýly kúshterdiń Baılanys departamenti otandyq qorǵanys ónerkásibi kemekemelerimen birlese otyryp aýqymdy jumysty atqaryp jatyr.

«Eskirgen áskerı tehnıkalar zamanaýı talaptarǵa saı keletin tsıfrly tehnologııalarmen almastyryldy. Qazirgi kezde Qarýly kúshterdiń qoldanysynda tsıfrly radıostantsııalar, komandalyq basqarý shtabtyq mashınalary, radıoreleılik stantsııalar jáne spýtnıktik baılanys keshenderi bar. Atap aıtqanda, osy sońǵy býyndy áskerı tehnıka otandyq kompanııalarda shyǵarylyp jatyr», - dedi vedomstvo ókili.

Foto: gov.kz