Áskerı prokýrorlar aımaqtarda ásker qataryna shaqyrylǵandardy áskerı esepke alýdy uıymdastyrýǵa qatysty tártip buzýshylyqtardy anyqtady
ASTANA. Qyrkúıektiń 28-i. QazAqparat - Áskerı prokýrorlar aımaqtarda ásker qataryna shaqyrylǵandardy áskerı esepke alýdy uıymdastyrýǵa qatysty tártip buzýshylyqtardy anyqtady. Bul týraly Qazaqstannyń Bas áskerı prokýratýrasynyń baspasóz qyzmeti habarlap otyr.
Aqparat kózine súıensek, osy jáne basqa da máseleler Qorǵanys mınıstrliginiń, Ulttyq qaýipsizdik komıteti shekara qyzmetiniń, Іshki ister mınıstrligi Іshki ásker komıteti men basqa ortalyq memlekettik organdar men ulttyq kompanııanyń laýazymdy tulǵalary qatysqan vedomstvonyń alqa otyrysynda talqyǵa tústi.
«Áskerı prokýrorlar ortalyq memlekettik organdardyń, ulttyq kompanııalardyń, jergilikti atqarýshy organdardyń qorǵanys isteri jónindegi ýákiletti organdarymen tıisti deńgeıde ózara is-qımyldardy qolǵa almaǵandaryn anyqtady. Sonyń saldarynan, Qarýly kúshter qataryna shaqyrylǵan azamattardy jumys orny boıynsha áskerı tizimge alýdy uıymdastyrýǵa qatysty júıede tártip buzýshylyqtar oryn alǵan», - delingen baspasóz qyzmettiń taratqan aqparatynda.
Sonymen qatar, áskerı prokýrorlardyń málimdemeleri boıynsha respýblıkanyń qalalary men aýdandaryndaǵy 196 shaqyrý pýnktteriniń 50-i tıisti zańnama talaptaryna saı emes ekendigi belgili boldy.
«Tekserýdiń qorytyndylary boıynsha barlyǵy 174 qyzmetker ártúrli jaýapkershilikke tartyldy», - dep tolyqtyryp ótti vedomstvonyń baspasóz qyzmeti.
