Áskerı prokýratýra turǵyn úı qory obektilerin memleket menshigine qaıtardy

AQTÓBE. KAZINFORM — Aqtóbe garnızonynyń áskerı prokýratýrasy júrgizgen taldaý nátıjesinde qorǵanys vedomstvosynyń balansynda esepke alynbaǵan tórt páter anyqtaldy. 

Atalǵan turǵyn úı-jaılardyń 20 jyldan astam ýaqyt boıy tıisti túrde rásimdelgen quqyq belgileıtin qujattary bolmaǵan, sonyń saldarynan olardy zańdy negizsiz bógde tulǵalar paıdalanǵan.

Qadaǵalaý aktisi negizinde Aqtóbe qalasy ákimdiginiń talap aryzy boıynsha sot páterlerdi memleket menshigine qaıtarý týraly sheshim qabyldady. Odan ári atalǵan páterler Qorǵanys mınıstrliginiń balansyna berildi.

Qaıtarylǵan turǵyn úılerdiń baǵalaý quny 53 mln teńgeden asady.

Aıta ketelik Oralda jeke menshikke berilgen jer 14 jyldan keıin memleketke qaıtarylǵan edi.