Áskerı prokýratýra soǵystan basqa jaǵdaıda mert bolǵan áskerı azamattardyń tizimderin jarııa etti

Ókinishke oraı, qaıǵyly málimetter ótken jylǵydan bir jarym esege kóp bolyp otyr.

Bul týraly «Ekspress K» basylymynyń tilshisi Natalıa Vasıleva basylymnyń búgingi sanyndaǵy «Ólimshi etip zorlaǵan» atty maqalasynda jazady.

 Ol keltirgen derekterge qaraǵanda, ótken jyly Qarýly Kúshter men ózge de áskerı bólimsheler men qurylymdarda 123 áskerı azamat mert bolǵan. Onyń aldyndaǵy jyly ásker salasynda qaza tapqandar 86-ny quraǵan. Alaıda ol kezde 33 adam  qandaı da bir aýrýlardyń saldarynan kóz jumǵan. Ótken jyly jol-kólik oqıǵalary kezinde alǵan dene jaraqattarynan 42 adam mert bolsa, 2010 jyly bul kórsetkish 31 bolǵan.

 Sondaı-aq qaýipsizdik talaptaryn qadaǵalamaýdan 6 adam kóz jumǵan. 2010 jylǵy bul kórsetkish - 5. Buǵan qosa atalǵandardan ózge de oqıǵalardyń saldarynan mert bolǵandar 15-ti qurap otyr. 2010 jylǵy kórsetkish 18 bolǵan. Mınıstrliktiń málimetteri boıynsha 2011 jyly jaýyngerlerdiń ózderine ózderi qol salýynyń 21 faktisi tirkelgen. Olardyń 4-ýi álimjettiktiń kesirinen bolǵan. 2010 jyly áskerde 17 adam  sýıtsıdke boı aldyrsa, onyń tek 2-ýi ǵana áskerı jarǵyda kórsetilmegen áreketterdiń saldarynan oryn alǵan. Bıylǵy jyly áskerı azamattardyń ólimi boıynsha 5 qylmystyq is qozǵalǵan.