«Áskerı post» baıqaýyna daýys berý bastaldy - QR QM
Budan buryn habarlanǵandaı, áskerı taqyrypta jelidegi úzdik jarııalanymǵa blogerler arasynda «Áskerı post» respýblıkalyq shyǵarmashylyq baıqaýynyń jeńimpazdary áleýmettik jelilerde ashyq daýys berý arqyly anyqtalady. Daýys berýge qatysý úshin jiberilgen qatysýshylardyń baıqaý jumystary «Mirdiń oǵy», «Utqyr shabýyl» jáne «Sýretker sarbaz» jeke atalymdar boıynsha Qorǵanys mınıstrliginiń Facebook resmı paraqshasynda ornalastyrylady. Baıqaý qatysýshylarynyń jumystaryn «Áskerı dıskýrs» ekstremaldy jýrnalıstıka boıynsha tájirıbelik semınar qatysýshylary baǵalaıtyn bolady. Baıqaý maqalalary men materıaldary áleýmettik jelilerdiń barlyq ózge de paıdalanýshylaryna qoljetimdi. Daýys berýden basqa, ǵalamtor paıdalanýshylary ózderiniń oı-pikirlerin de qaldyra alady. Baıqaýdy uıymdastyrýshylar qatysýshynyń unaǵan postyna bergen úzdik sholýǵa arnaıy júlde uıymdastyryp ta qoıdy. Ony baǵalaý kezinde paıdalylyǵy, ótkirligi men qyzyqtylyǵy, sholýdyń jumysqa qanshalyqty saı keletindigi jáne ony tolyqtyryp turatyndyǵy, odan alǵan jalpy áseri, sondaı-aq oǵan berilgen paıdalanýshylardyń daýys berý sany eskeriledi. Baıqaý fınalısteriniń jumysyna berilgen úzdik kommentarıı avtory úsh atalym boıynsha jeńimpazdarmen birge marapattalady. QR Qorǵanys mınıstrligi Qazaqstan Respýblıkasy Qarýly Kúshteriniń oń ımıdjin nyǵaıtýǵa úles qosqan jýrnalısterdi, áskerı sarapshylardy, medıa-kásip, qoǵam ókilderin, jelilik jýrnalıster men blogerlerdi kótermeleýge baǵyttalǵan «Áskerı post» blogerler arasyndaǵy baıqaýdyń uıymdastyrylýyna muryndyq bolǵanyn esterińizge sala keteıik, dep habarlaıdy QR QM baspasóz qyzmeti.