Áskerı polıtsııasy bas basqarmasynyń úzdik áskerı qyzmetshileri marapattaldy - QR QM (FOTO)
Bul týraly Qorǵanys mınıstrliginiń baspasóz qyzmeti habarlady. «QR QM boıynsha úzdik kezekshi» jáne «Úzdik aǵa maman» atalymdarynda kapıtan Amangeldi Árkenov pen aǵa serjant Qýanysh Danaev marapatqa ıe boldy. «Tehnıkalyq kúzet quraldarynyń úzdik mamany» atalymynda aǵa serjant Medet Azmaǵambetov marapattalsa, kúzet bólimderi arasynda kapıtan Núrken Qasymbaev basshylyq etetin 1-shi kúzet bólimi úzdik ataldy.
Úlgili áskerı qyzmetshiler QR QK Bas shtaby bastyǵynyń birinshi orynbasary general-maıor Rýslan Álimovtiń qolynan qurmet gramotalaryn aldy. Sóz sóıleýde ol kúzet bólimsheleri jasaqty birneshe ret jaýyngerlik ázirliktiń joǵary dárejesine keltirý sheńberinde jaýyngerlik mashyqtyń joǵary deńgeıin atap ótti.
Sońynda 2015 jyldyń birinshi jartyjyldyǵy boıynsha QR QM Rejim men qaýipsizdikti qamtamasyz etý jónindegi áskerı polıtsııa jasaǵynyń jaýyngerlik qyzmet qorytyndysy shyǵaryldy. «Ótken jarty jyl ishinde jasaq QR Qorǵanys mınıstrliginiń basshylyǵy jáne QR QK Áskerı polıtsııasy bas basqarmasy qoıǵan tapsyrmalardy tolyq kólemde oryndady. Áskerı qyzmetshilerdiń jaýyngerlik ázirligi udaıy jetildiriledi jáne qazir jetkilikti joǵary deńgeıde tur», - deıdi jasaq bastyǵy podpolkovnık Erik Bákirbaev.