Áskerı polıtsııa jańa temir tulparlarǵa ıe boldy

ASTANA. 4 jeltoqsan. QazAqparat - Astanada QR Qarýly Kúshteri Áskerı polıtsııa bas basqarmasynyń bazasynda áskerı polıtsııa organdary basshylyq quramymen 2013 jylǵy qyzmettiń qorytyndysyn shyǵarý boıynsha jıyn ótkizildi.

Bul týraly Qorǵanys mınıstrliginiń baspasóz qyzmetinen habarlady

Jıyn barysynda áskerı polıtsııa óńirlik bólimsheleri basshylaryna arnaýly kıim-keshektiń, arnaıy quraldardyń jańa úlgileri kórsetilip, qozǵalatyn obektilerdi spýtnıktik monıtorıngileý júıesiniń jumys isteý prıntsıpteri, quqyq tártibin esepke alýdyń aqparattyq júıesi jáne arnaýly esepke alýdyń biryńǵaı júıesi tanystyryldy.

Quqyq buzýshylyqtar men qylmystardy boldyrmaý, olardyń aldyn alý, áskerı polıtsııa organdary qyzmetiniń basym baǵyty bolyp tabyldy.

Kelesi jyly olardyń aldynda ásker ortasynda quqyqtyq tártipti qoldaý, nátıjelilik pen jedeldikti arttyrý, áskerı tártiptiń jaı-kúıin sapalyq jaqsartý jónindegi mindetter tur.

Tuńǵysh Prezıdent kúni qurmetine oraı QR QK Áskerı polıtsııa bas basqarmasynyń bastyǵy polkovnık Tımýr Dándibaev áskerı polıtsııa organdarynyń bastyqtaryna jańa avtomashınalardyń kiltterin tabys etti. 2 «SsangYong» jolsyz jerde júrýge arnalǵan kóligi, 5 «Gazel» mıkroavtobýsy jáne 16 «Nıva»jeńil avtokóligi áskerı polıtsııa organdary bólimsheleriniń qyzmettik mashınalar parkin tolyqtyrdy.

"Áskerı polıtsııa árqashan zańdylyq pen quqyq tártibiniń, áskerı qyzmetshiler quqyqtary men múddeleriniń qorǵany bolady. Biz aldymyzǵa qoıylǵan kez kelgen mindetti oryndaýǵa ázirmiz. Áskerı polıtsııa áskerı qyzmetshileriniń qyzmeti budan ári de patrıotızm, Otanymyzǵa qaltqysyz qyzmet etý, ant pen áskerı boryshqa adaldyq, jeke tártiptilik pen ózin-ózi jetildirý sııaqty ustanymdardy basshylyqqa alyp júrgiziletinine senimdimin", - deıdi polkovnık Tımýr Dándibaev.