Áskerı polıtsııa: Qazaqstan Qarýly Kúshterindegi quqyqtyq tártip pen áskerı tártiptiń jaǵdaıy

ASTANA. 18 qazan. QazAqparat - QR Qarýly Kúshteri Áskerı polıtsııasynyń bas basqarmasynda ásker túrleri bas qolbasshylarynyń orynbasarlary jáne áskerı qyzmet basshylarynyń qatysýymen «2013 jyldyń sońǵy 9 aıyndaǵy Qarýly Kúshterdegi quqyqtyq tártip pen áskerı tártiptiń kórsetkishi» taqyrybynda dóńgelek ústel bolyp ótti.

«Biz quqyq buzýshylyq deńgeıiniń tómendeýine qaramastan, qabyldanǵan profılaktıkalyq sharalardyń sapasyn arttyrýǵa kúsh salyp, áskerı bólimderdegi tárbıe jumystaryn jetildirýimiz kerek. Tek birlesken is-qımyl arqyly ǵana biz áskerlerdegi qylmys pen quqyq buzýshylyqtyń aldyn alatyn, nátıjesinde memleketimizdiń áskerı qaýipsizdigin qamtamasyz etetin Qarýly Kúshterdiń negizgi tapsyrmalaryn oryndaýǵa oń áser etetin mehanızmderdi ázirleı alamyz», - dep atap ótti QR QK Áskerı polıtsııa bas basqarmasynyń bastyǵy polkovnık Tımýr Dandybaev.

Dóńgelek ústel barysynda Qarýly Kúshterdiń bedeline nuqsan keltiretin kóleńkeli faktiler men áskerlerdegi quqyqtyq tártipke baılanysty máseleler naqty ári prıntsıpti túrde talqylandy.

Ótken jyldyń osy kezeńimen salystyrǵanda áskerdegi qylmystar sany 3 paıyzǵa, jekelegen kórsetkishter boıynsha 20-25 paıyzǵa azaıǵan. Bul týraly Qazaqstan Respýblıkasy Qorǵanys mınıstrliginiń baspasóz qyzmetinen habarlady.