Áskerı parashıýtshiler túnde jáne júk konteınerimen birge sekirip jattyqty (FOTO)

ASTANA. QazAqparat - QR Qarýly Kúshteri Parashıýttik daıyndyq ortalyǵynyń «Pervomaıskıı» áýeaılaǵynda arnaıy parashıýttik daıyndyq boıynsha qazaqstandyq ÁÁK parashıýttik-qutqarý qyzmeti jeke quramynyń jıyny ótkizildi.

Jıynǵa 53975 áskerı bólimi, Aeroutqyr áskerleri jáne arnaıy bólimshelerdiń izdestirý-qutqarý jáne parashıýttik-desanttyq qyzmettiń áskerı qyzmetshileri tartyldy.

Parashıýttik jıyn barysynda 3 myń metr bıikten ashyq parashıýtpen kidirte otyryp sekirý jáne tún ishinde daıyndalmaǵan alańǵa sekirý, sondaı-aq júk konteınerimen sekirý oryndaldy.

«Jıyn baǵdarlamasy jaýyngerlik daıarlyq josparyna sáıkes tolyq oryndalady. Jıyn parashıýttik oqıǵalarǵa alǵysharttarsyz jáne jaraqatsyz jaqsy uıymdasqan deńgeıde ótýde», - dep málimdedi QR QK ÁQK Parashıýttik daıarlyq ortalyǵynyń bastyǵy, podpolkovnık Leonıd Dýdkın.

Jıyn 26-29 sáýir aralyǵynda Parashıýttik daıyndyq ortalyǵynyń bazasynda ótedi. Ortalyqtyń jeke quramy Orta Azııa óńirindegi iri barlyq saıystarǵa qatysyp marapatqa ıe bolǵan ári halyqaralyq arenada tanylǵan. 20 jyldyń ishinde komanda sportshylary halyqaralyq dodalarda 350 medal ıelengen. Onyń 83-i altyn. Bapkerlik ujym halyqaralyq dárejedegi 18 sport sheberin daıyndaǵan.